على مدد الشوف نـــــــــــــــــــــاس ...
بشر كتير اوى بطريقه عجيبه وكلهم واقفين مرسومه فى عنيهم نظرات هى مزيج من الامل والحلم واليأس او انتظار المستحيل مع ايمان كامل بامكانيه حدوث معجزة ... متشعلقين بين اليأس والرجاء ...
وفجأه ......
وخير اللهم اجعله خير يلوح فى الافق شبح ميكروباس وآل ايه السواق بيقول رمسيس ...!!!
ايه دا ؟؟ دا بجد مش حلم
مفيش وقت للتعجب ولا حتى للتعايش مع المفاجأه ... وهوووووووووووووووووب
الحق ياعم ... حاسب ... حلق ... بسرعه بسرعه
هيييييييييييييييييييييييييييييييه ... دددددددددددددد .. دب دب دب دب دب طراخ بووووووووووووووووم اى اى اى ... آاااااااااااااااه دش ووووووووووووووووووو "" اصوات تكوم ( ركوب ) الناس فى الميكروباس المزعوم فى اقل من 15 ثانيه "" .....
و فووووووووووووووووووو طيران الميكروباس يتحرك تاركا باقى الغير محظوظين فى اكتساح الميكروباس ناظرين له بحسره و كمان سايب وراه المصابين فى المعركه بيحاولوا يستعيدوا قواهم وطاقاتهم للاستعداد وترقب المعركه القادمه ....
ودى كانت مأساه محاوله ركوب ميكروباس فى الزحمه اللى هيا للاسف بقت معظم الوقت مش بس وقت الذروه ولا عزاء لل بنى ادمين...
