فكرة ان مفيش حاجه دايمه دى مخيفه .. مفيش صحاب علطول مفيش حب خالد مفيش اى حاجه
دخلت الدنيا وحيد وهتخرج وحيد وما بين دا ودا زيــــــــــف
انا حبيت قبل كدا وكنت فاكرة ان دا عمره ما هيتغير ..
لاء كنت حاسه من جوايا بس كان نفسى نعيش علطول الاحساس دا .. ساعات بفتكرة دلوقتى وبفتكر تفاصيل العلاقه بيننا .. كان بيننا تفاصيل كتييييير اوى شوارع مشينا فيها معارض واماكن رحناها كلام اتقال وكلام اكتر متقالش .. بجد ف لحظه افتكرت ان دا الحب اللى عشت عمرى ادور عليه .. بس مع الوقت بدأت افقد ايمانى بالفكرة واقارن دا مع افكارى القديمه .. ومع ان فراقنا مكانش عن مشاكل او خيانه مثلا وحاجات كدا .. لكن فرق النظرة من جوا الموقف ومن برا هوا فرق العقل المطلق و تفكير المشاعر
وصاحبت بنت افتكرت انها اقرب ما ليا ف الدنيا تقريبا عكس بعض ومتطابقين فنفس الوقت بنفهم بعض من غير مانتكلم وبنكمل كلام بعض .. ومهما اختلفت معاها برتاح اوى لما نقعد سوا ونحكى ..كان احساس عظيم بجد ومع انى برضو عرفت ان الدنيا هتاخدنا من بعض ف يوم بس دايما نفس المشكله بين المعرفه والادراك .. فجأة مبقيناش صحاب
وكان ليا اخت ف يوم .. علاقتنا كانت غير معتاده وكل اللى يعرف رتوش بس منها يستغرب و ف وقت ما فكرت ان دا الوقت المناسب لقرب اعلى ومساحات اكبر راحت ..
الفكرة ان مش لازم يكون فيه مبررات طويله عريضه او زى كدا لما حد يموت فجأة ودايما نسأل مات ليه او ازاى .. وكأننا محتاجين سبب للموت مع ان الموت عمرة ما كان بالاسباب لكنها قدريات .. محتاجه قدر اعلى من التسليم
مانكرش ان احيانا التساؤل عن الاسباب بيفيد فى ادراك المشكله عشان نحاول نصلح او حتى نتجنب دا ف المستقبل .. لكن المشكله بتكون اكبر من كدا لما بيكون التساؤل دليل على عدم الادراك والتقبل للحدث الواقع .. ساعتها بيكون التساؤل ف حد ذاته مشكله مش مجرد عرض من الاعراض
فيه فرق بين الدهشه والاستغراب .. الدهشه ناتج عن المفاجأة لكن مبكونش فيه حواجز نفسيه معيقه ليها للتقبل .. لكن الاستغراب بيشكل عائق لأنه بيضع صاحبه فى دائرة مغلقه من الاسئله المطلقه واللى مبكونش ليها عاده غرض صادق الا الفلسفه والاستغراق وليس التقبل
انا مبقولش ان التأمل وحش طبعا .. لكن لازم يكون الانسان مدرك لانه بيتقبل ولا بيتأمل ويكون قادر على فهم نفسه بالدرجه الاولى عشان يقدر يوصل لحاجه فى الاخر
دخلت الدنيا وحيد وهتخرج وحيد وما بين دا ودا زيــــــــــف
انا حبيت قبل كدا وكنت فاكرة ان دا عمره ما هيتغير ..
لاء كنت حاسه من جوايا بس كان نفسى نعيش علطول الاحساس دا .. ساعات بفتكرة دلوقتى وبفتكر تفاصيل العلاقه بيننا .. كان بيننا تفاصيل كتييييير اوى شوارع مشينا فيها معارض واماكن رحناها كلام اتقال وكلام اكتر متقالش .. بجد ف لحظه افتكرت ان دا الحب اللى عشت عمرى ادور عليه .. بس مع الوقت بدأت افقد ايمانى بالفكرة واقارن دا مع افكارى القديمه .. ومع ان فراقنا مكانش عن مشاكل او خيانه مثلا وحاجات كدا .. لكن فرق النظرة من جوا الموقف ومن برا هوا فرق العقل المطلق و تفكير المشاعر
وصاحبت بنت افتكرت انها اقرب ما ليا ف الدنيا تقريبا عكس بعض ومتطابقين فنفس الوقت بنفهم بعض من غير مانتكلم وبنكمل كلام بعض .. ومهما اختلفت معاها برتاح اوى لما نقعد سوا ونحكى ..كان احساس عظيم بجد ومع انى برضو عرفت ان الدنيا هتاخدنا من بعض ف يوم بس دايما نفس المشكله بين المعرفه والادراك .. فجأة مبقيناش صحاب
وكان ليا اخت ف يوم .. علاقتنا كانت غير معتاده وكل اللى يعرف رتوش بس منها يستغرب و ف وقت ما فكرت ان دا الوقت المناسب لقرب اعلى ومساحات اكبر راحت ..
الفكرة ان مش لازم يكون فيه مبررات طويله عريضه او زى كدا لما حد يموت فجأة ودايما نسأل مات ليه او ازاى .. وكأننا محتاجين سبب للموت مع ان الموت عمرة ما كان بالاسباب لكنها قدريات .. محتاجه قدر اعلى من التسليم
مانكرش ان احيانا التساؤل عن الاسباب بيفيد فى ادراك المشكله عشان نحاول نصلح او حتى نتجنب دا ف المستقبل .. لكن المشكله بتكون اكبر من كدا لما بيكون التساؤل دليل على عدم الادراك والتقبل للحدث الواقع .. ساعتها بيكون التساؤل ف حد ذاته مشكله مش مجرد عرض من الاعراض
فيه فرق بين الدهشه والاستغراب .. الدهشه ناتج عن المفاجأة لكن مبكونش فيه حواجز نفسيه معيقه ليها للتقبل .. لكن الاستغراب بيشكل عائق لأنه بيضع صاحبه فى دائرة مغلقه من الاسئله المطلقه واللى مبكونش ليها عاده غرض صادق الا الفلسفه والاستغراق وليس التقبل
انا مبقولش ان التأمل وحش طبعا .. لكن لازم يكون الانسان مدرك لانه بيتقبل ولا بيتأمل ويكون قادر على فهم نفسه بالدرجه الاولى عشان يقدر يوصل لحاجه فى الاخر