سؤال اتسألته من كتير من صحابى .. بالذات لما كنت بقولهم ما تبطلوا شرب الحشيش
" هوا انتى جربتيه ؟ "
لاء
طب معترضه عليه ازاى من غير ماتجربى؟
فى الواقع هوا سؤال منطقى جدا .. ازاى اعترض علىيه او على اى شئ عموما من غير ما أجرب
لكن اعتقد ان فيه وجهه نظر تانيه
انا معرفش كتير عن مستقبل حياتى لكن اللى اعرفه من دلوقتى انى ممكن اوصل للحظه اقف قدام كل الناس وحدى .. ساعتها مش هيكون اى حد بيأيدنى الا عقلى
ومش من العدل انى اخونه دلوقتى وانتظر منه يقف جمبى ف وقت جاى
انا اخترت اعيش بعقل واعى .. وحتى لو ارتكبت خطأ او ذنب افضل اختارة بعقل واعى مدرك انا بعمل ايه
عقلى هو جل ما املك فى هذه الحياه
مينفعش اتآمر عليه .. ولا اءذيه او ادمرة بأى شكل من الاشكال
معرفش تماما ايه اسبابكم الكامله لاختيارة .. لكن ايا كان هوا راحه للعقل او هروب او اى شئ تانى ف معتقدش انه اختيارى المفضل
ودا طبعا ميمنعش انى احترم اصدقائى دول تماما لأنى مبعتبرش ان شرب الحشيش دا نقص اخلاقى ابدا انما هوا اختيار زى اى اختيار تانى فى الحياه
زى مثلا ان حد ممكن يحب يشرب شاى ف وقت انا مش بحب الشاى
بس
أحيي رأيك، لكن ده لا يمنع التجربة. أنا كمان ما جربتش وعايز يكون من الحاجات الجديدة اللي حعملها السنة دي...
ReplyDelete