بدأت اجمع ادراكاتى المجزأة عن كلمه مسترجله ..
المفهوم العام للبنت اللى تصرفاتها بتشبه الولاد .. ومهاجمه المجتمع الفكريه ليها على امتداد العصور ..
هيا مهاجمه لطريقه التصرف بحريه المجتمع لا يبيحها الا لفئه الذكور ومجرد محاولاتها بالتمرد ولو ضمنيا بتصرفاتها المتحررة من القيود والتصنيفات المجتمعيه بتكون دخلت فى دايرة " الاسترجال" باعتبار ان الرجل هو الوحيد اللى من حقه يكون فاعل ـ مقررـ متخذ الخطوة الاولى او اى خطوة مؤثرة وهيا مش من حقها ولا طبيعتها تكون الا رد فعل .. وطيبه وبتصبر وبتستناه يتكرم ويديها حقوقها فى الحياه .. وبتنسى ان الحقوق لا تمنح انما تنتزع .. واى محاوله للتمرد بتكون "استرجال" منها .. انا محتاجه اتكلم كتير عن دا
دا يندرج تحته الفكر المجتمعى بتاع البنت لازم يكون صوتها واطى .. محدش يسمع لها حس .. خجوله .. الخ .. دا مش رفض للصفات دى او شبيهاتها لكن رفض لاحتكار اى صفه على اى فئه من البشر تخلق قيود عليهم تحت اسم مزيف وجميل
واكبر خدعه بقى فى الموقف ان مش بس يكون فيه قيود وانا حاساها.. دا المجتمع يحببك فى القيود لدرجه انك يبقى حلمك وهدفك انك توصللها ويكون السجان من نفس الفئه بتاعتك اللى برضو واقع عليها نفس القيود
No comments:
Post a Comment