حكمه اليوم
اللى يجرب يلمس حد بيحبه بجد صعب اوى يستسيغ لمسه حد تانى مش فارق معاه
انا معرفش دى حاجه ليها علاقه بالانثى اكتر ولا مطلقه ف الانسان لكن اعتقد ان ليها علاقه اكتر بمدى شفافيه وحساسيه الانسان دا تجاه الاشياء والتفاصيل المحيطه بيه
اللمسه
ذلك الفعل المرادف للسحر
اللمسه بالنسبالى مفهوم عميق جدا . لغه اساسيه وبتقول كتير
ابلغ من الكلام وممتعه .. مش قادره اقارن بالظبط بينها وبين النظرات او لغات تانيه بحبها لكنها فعلا مميزة
نوع اللمسه
احساسها ومعناها
الشخص اللى بيشاركنيها
مداها الزمنى وعمقها
توقيتها.. والمشاعر المحمله بيها
توقيتها.. والمشاعر المحمله بيها
انا شخص بيقدر التواصل الجسدى جدا حتى على مستوى الحيز المكانى ، والمسافات المكانيه بينى وبين الاشخاص بيكون ليها معنى من قرب الاشخاص ليا او ارتياحى ليهم وحميميه تعاملنا
من خبراتى المميزة لما سلام حد قريب يطول شويه .. اللغه الموازيه للكلام بس بتتسرب من خلايانا لبعض ذبذبات
درجه دفا الايدين
ملمس الكف والتفاف الاصابع حوالين الايد المقابله
معنى غنى فعلا
و دايما اسهل عليا اوصل مشاعرى للقدامى بضعطه ايد او لمسه طبطبه او حضن عن كلام كتييير بيقع ف المسافه بين شفايفى و ودن اللى قدامى اكتر ما بيدخل نفس الشخص دا
طبعا لمسه الحب .. اللى بتغير مود يوم كامل واكتر وبتخلق حياه تانيه ولغه مختلفه ومبتكرة تماما احنا الاتنين بس اللى نعرفها وبنتعامل بيها بتواطؤ لذيذ
وعمرى ما قدرت افهم " من ضمن حاجات كتير مش فاهماها" ازاى حد يستحمل يلمس حد او يعيش علاقه جسديه بس لاشباع غريزة من غير مشاعر
ناهيك طبعا عن اللمس الاجبارى بمعنى التحرش او الاغتصاب .. او حتى بدافع التعود او تأديه واجب فى "الواجبات الزوجيه" مثلا
اكيد بواجه مشكله كبيرة مع المجتمع كونى بتكلم بلغه مرفوضه تماما ومحرمه " دينيا واخلاقيا وطبقا للعادات والتقاليد والعرف " ومعرضه طول الوقت لعقوبات من كل الانواع اذا كانت بس الفهم الخاطئ او اتحط ف مساحه مبتذله او فكرة مسبقه او نظرات استنكار او شفقه وتمنى التوبه ليا وحتى الى تهديد بالفضيحه طبقا لمفهوم المجتمع
"بنستخبى عشان نمارس الحب لكن ايه المانع لو نبول ف الشارع "
طبعا بلاقى من حين لاخر اللى بيشبهنى او اللى فاهم اللغه بتاعتى لكن بتفاوت المساحات فى الفهم والتقدير .. والاكتر فى الاعلان عن اللغه وممارستها بحريه لخوف او لتعود او حتى ايمان بالموانع والتحريمات
حتى حضنى الطويل لواحده صاحبتى يتنظرله بعين الشك ... وكلام الصحاب ( اللى خايفين عليا ) يابنتى هتتفهمى غلط فيه ناس فعلا بتبصلك مش كويس
بس انا مش خايفه .. اصل انا كمان مؤمنه بحريه المثليين
وان كنت مش بعتبر نفسى منهم بدافع ذاتى مش اكتر
لغه الجسد من لمس او حركه ورقص او حتى الطاقه المنبعثه منه واليه وحتى النحت واستشعار دواخل وملامس ومشاعر الخامات والمجسمات ..
دا يرجعنى تانى لنقطه انى بحب جسمى
مش بخاف ولا بتكسف منه ولا هعتبرة ف يوم شر او فتنه لازم تستخبى
ودا كمان يوصلنى لافكار متشعبه عن الاحترام وعن مفهوم الشرف هاتكلم عنها ف وقت تانى
وايه يعنى لاهى اول ولا اخر حاجه اختلف فيها
درجه دفا الايدين
ملمس الكف والتفاف الاصابع حوالين الايد المقابله
معنى غنى فعلا
و دايما اسهل عليا اوصل مشاعرى للقدامى بضعطه ايد او لمسه طبطبه او حضن عن كلام كتييير بيقع ف المسافه بين شفايفى و ودن اللى قدامى اكتر ما بيدخل نفس الشخص دا
طبعا لمسه الحب .. اللى بتغير مود يوم كامل واكتر وبتخلق حياه تانيه ولغه مختلفه ومبتكرة تماما احنا الاتنين بس اللى نعرفها وبنتعامل بيها بتواطؤ لذيذ
وعمرى ما قدرت افهم " من ضمن حاجات كتير مش فاهماها" ازاى حد يستحمل يلمس حد او يعيش علاقه جسديه بس لاشباع غريزة من غير مشاعر
ناهيك طبعا عن اللمس الاجبارى بمعنى التحرش او الاغتصاب .. او حتى بدافع التعود او تأديه واجب فى "الواجبات الزوجيه" مثلا
اكيد بواجه مشكله كبيرة مع المجتمع كونى بتكلم بلغه مرفوضه تماما ومحرمه " دينيا واخلاقيا وطبقا للعادات والتقاليد والعرف " ومعرضه طول الوقت لعقوبات من كل الانواع اذا كانت بس الفهم الخاطئ او اتحط ف مساحه مبتذله او فكرة مسبقه او نظرات استنكار او شفقه وتمنى التوبه ليا وحتى الى تهديد بالفضيحه طبقا لمفهوم المجتمع
"بنستخبى عشان نمارس الحب لكن ايه المانع لو نبول ف الشارع "
طبعا بلاقى من حين لاخر اللى بيشبهنى او اللى فاهم اللغه بتاعتى لكن بتفاوت المساحات فى الفهم والتقدير .. والاكتر فى الاعلان عن اللغه وممارستها بحريه لخوف او لتعود او حتى ايمان بالموانع والتحريمات
حتى حضنى الطويل لواحده صاحبتى يتنظرله بعين الشك ... وكلام الصحاب ( اللى خايفين عليا ) يابنتى هتتفهمى غلط فيه ناس فعلا بتبصلك مش كويس
بس انا مش خايفه .. اصل انا كمان مؤمنه بحريه المثليين
وان كنت مش بعتبر نفسى منهم بدافع ذاتى مش اكتر
لغه الجسد من لمس او حركه ورقص او حتى الطاقه المنبعثه منه واليه وحتى النحت واستشعار دواخل وملامس ومشاعر الخامات والمجسمات ..
دا يرجعنى تانى لنقطه انى بحب جسمى
مش بخاف ولا بتكسف منه ولا هعتبرة ف يوم شر او فتنه لازم تستخبى
ودا كمان يوصلنى لافكار متشعبه عن الاحترام وعن مفهوم الشرف هاتكلم عنها ف وقت تانى
وايه يعنى لاهى اول ولا اخر حاجه اختلف فيها
بجد أحترم جرأتك. معظم المصريين للأسف محرومين من اللمسة اللي بتتكلمي عليها لأسباب كتير، والناس بتخاف من اللي ما تعرفوش. عشان كدة أكتر الشعوب شهوانية هي الشعوب المحرومة من التعامل الطبيعي بسبب الثقافة أو الظروف المجتمعية. وده بيوصلني لحاجة تانية، لازم أقرا عن الثورة الجنسية اللي حصلت في الغرب بعد الحرب العالمية التانية
ReplyDeleteالثورة الجنسيه .. لو لقيت حاجه كويسه ياريت ترشحهالى اقراها
Deleteبصي يا سلمى كل الكلام اللي انتي كاتباه دة صح جدا .... بس لو قريتي كويس في الدين الاسلامي هتلاقي انه اتكلم عن كل حاجه انتي كاتباها وبالتفصيل الممل سواء في القرأن او السنه النبويه .... بس الغلط اللي الناس في مجتمعنا بترتكبة انهم بيدخلو عادات وتقاليد مجتمعية ملهاش علاقة بالدين وبيشوهو بيها صورة الدين ... وان الدين على موضوع اللمس اتكلم فيه كتير وقال ان اللمسة ليها مفهوم روحاني اكبر بكتير من انه يبقى شهواني الفكر العقيم اللي مصر وعدم الوعي والتثقيف بالحاجات دي هو اللي خلاه كدة .... وان الدين خلى للبنت والست مكانه كبيرة ورأي وفكر وحرم ان تكون اللمسه او العلاقه مجرد واجب لانه بيولد الكرة ... وانه كمان قال انها لايمكن ان تغصب على علاقه هى مش عايزاها يعني مثلا لو هى مش عايزة تتجوز حد معين واهلها غصبوها عليه يبقى العقد باطل من الاساس .... وان الاغتصاب في الاسلام عقوبتة الاعدام ...وان حتى لو الواحدة اتجوزت واحد كانت راضيه بيه وبعد كدة مبقتش حاساه فالدين حللها الطلاق .... مشكلة مجتمعنا انه عرف يكرة جيل كامل في الدين علشان دخل علية عادات وتقاليد هو عايزها تبقى موجودة علشان بتخدمه هو وبتخدم مزاجه ... يارب اكون قدرت اوصل ولو واحد % من الكلام الكتير اللي بيدور في دماغي واحاول ابعتلك شوية عناوين لكتب وشوفي حلاوة تشاريع الدين الاسلامي وقد اية هو مكرم اللمس والعلاقات وحاطتها في اطار روحاني وسحري وبعد كده قارنية بوساخة عادات وتقاليد مجتمعيه ملهاش اي علاقه بالدين من الاساس
Delete